NEXRAD
| NEXRAD | |
|---|---|
_at_Joint_Base_McGuire–Dix–Lakehurst_in_Manchester_Township,_Ocean_County,_New_Jersey.jpg) | |
| Основна информација | |
| Вид | метеоролошки радар |
| Земја |  САД |
| Почеток на производство | 1988 |
| Број на инсталации | 159 во САД, Порторико и Гвам |
| Други имиња | WSR-88D |
| Параметри | |
| Честотен опсег | 2.700 до 3.000 MHz (S-појас) |
| Честота на импулси | 320 до 1.300 Hz |
| Времетраење на импулс | 1,57 до 4,57 μs |
| Брзина на вртење | 3 |
| Макс. дострел | 460 км (рефлексивност) 230 км (Доплерова брзина) |
| Моќност | 750 KW |
| Ширина на сноп | 0,96° (на 2,7 GHz) 0,88° (на 3,0 GHz) |
| Азимут | 0 до 360º |
| Агол на издигнување | -1° до +20° (оперативно) до +60° (тест) |
| Размери | |
| Пречник | 8,54 м |
NEXRAD (англиски: Next Generation Radar) — разгранета мрежа на метеоролошки радарски станици со која управува Националната метеоролошка служба на САД. Високите перформанси на машинската опрема на радарите NEXRAD овозможуваат автоматизирано набљудување и мапирање на атмосферските врнежи во режим близок до реално време, со задоцнување што не надминува 6 минути. Ова овозможува оперативно ажурирање на метеоролошките податоци за изработка на временски прогнози и издавање предупредувања за потенцијални природни непогоди. Покрај временската прогноза, податоците од мрежата NEXRAD се користат и во други области, како што се земјоделството, транспортот и хидротехниката.
Општи информации
[уреди | уреди извор]Мрежата NEXRAD е создадена преку заеднички напори на Министерството за трговија, Министерството за одбрана и Министерството за транспорт на САД[1][2]. Нејзин темел е комплексот Доплерови радари WSR-88D (англ. Weather Surveillance Radar 88 Doppler), кој бил наменет да ја замени метеоролошката радарска опрема на националната метеоролошка служба, военото воздухопловство, управата за цивилно воздухопловство и воено-морската команда за метеорологија и океанографија.[3]
Првите обиди за користење на Доплеровиот ефект во радарската метеорологија во САД започнале во 1960-тите години.[4] Создавањето на системот NEXRAD започнало во 1976 г. во Националната лабораторија за истражување на силни бури (Норман, Оклахома). Во 1979 г. бил изработен концептот на проектот што ги определил општите пристапи кон развојот, а до 1980 г. биле одобрени подробните планови за реализација на целата програма, техничките барања, спецификациите и распределбата на обврските меѓу развивачите. Во 1986 и 1989 г., Оперативниот центар за контрола на военото воздухопловство на САД (AFOTEC) спровел две серии експерименти за евалуација на ефикасноста и соодветноста на опремата понудена од различни добавувачи за програмата NEXRAD.
Наводи
[уреди | уреди извор]- ↑ NEXRAD Архивирано на 30 април 2021 г. National Oceanic and Atmospheric Administration, 2019
- ↑ Crum, Alberty 1993, стр. 1669, Abstract.
- ↑ Crum, Alberty 1993, стр. 1669, Introduction.
- ↑ Fukao, Hamazu 2014, стр. 344, Precipitation Observation Radar.
Надворешни врски
[уреди | уреди извор] |
„NEXRAD“ на Ризницата ? |
- Теорија на Доплеровиот временски радар
- Frequently Asked Questions Архивирано на 9 јули 2011 г. by NOAA
- Radar Frequently Asked Questions (FAQ) by Weather Underground
- Social & Economic Benefits of NEXRAD from "NOAA Socioeconomics" website initiative
- Податоци во реално време
- NEXRAD real time data
- National Radar Reflectivity Mosaic FAQ's Архивирано на 5 август 2011 г. by NOAA
- Истражување
- RADAR Research and Development by NSSL