Alberich

Alberich
Opptrer i	Rhingullet, Götterdämmerung
Identifisert med	Andvare, Oberon

Alberich var ein legendarisk, magisk og mytisk skikkelse som opptrer i franske episke segner frå dynastia i merovingartida frå 400- til 500-talet. Namnet betyr «alvekongen» (albe, ‘alv’, rich, ‘rex, konge’). Han var beskriven med evna til å gjera seg usynleg, og han var også kjend som «kongen av dvergane.»^[1]

I det tyske mellomalderdiktet Nibelungenlied er Alberich ein dverg som vakter gullskatten til Nibelungen. Alberich blir overvunnen av Siegfried (som i norsk mellomaldertradisjon blir kalla Sigurd Fåvnesbane.)^[2]

I Richard Wagner sin operasyklus Der Ring des Nibelungen er Alberich ein av hovudrollefigurane. Han er leiar for Nibelungane (dvergane) og ein gjennomgangsfigur i operaane.^[3] Wagner sin Alberich er ein samansett person som vesentleg er basert på Alberich i Nibelungenlied, men òg på Andvare i norrøn mytologi.