Franco Menichelli

Franco Menichelli (3. august 1941–28. januar 2026) var ein italiensk turnar frå Roma.^[1] Han vart i 1964 olympisk meister i frittståande og 1965 europameister i mangekamp.

Menichelli vann to bronsemedaljar då Sommar-OL 1960 vart arrangert i heimbyen hans. Den eine kom i frittståande, den andre i lagkampen med Italia. To år seinare kom han atter på bronseplass i frittståande då Turn-VM 1962 vart avvikla i Praha. Frå dei olympiske leikane 1964 i Tokyo reiste Menichelli heim med gull frå frittståande, sølv i ringar og bronse i skranke. Året etter vart han i Antwerpen europameister i mangekamp. Sidan vann han to bronsemedaljar i Turn-VM 1966, og han vart tredjemann i europameisterskapen 1967. Han skulle delta i Sommar-OL 1968, men skada seg og la opp.