HIV
Dikokwana-hloko tša go hlaelela ga masole a mmele a batho ( HIVs ) ke mehuta e mebedi ya Lentivirus (sehlopha se senyenyane sa retrovirus ) yeo e fetelago batho. Ge nako e dutše e eya, di baka acquired immunodeficiency syndrome (AIDS), e lego seemo seo go sona go palelwa ga tshepedišo ya mmele ya go lwantšha malwetši ka go tšwels pele go dumelela malwetši a a tšewelelago ka lebaka la monyetla le dikankere tše di ka bolayago go gola Ka ntle le kalafo, nako ya magareng ya go phela ka morago ga go fetelwa ke HIV e akanyetšwa go ba nywaga e 9 go ya go e 11, go ithekgile ka mohuta o monyenyane wa HIV . [1]
Maemong a mantši, HIV ke twatši yeo e fetelwago ka thobalano gomme e fetela ka go kgomagana goba go fetišetša madi, mokgobo wa pele ga go ntšha peu ya botona, peu le diela tša bosadi . Phetetšo yeo e sego ya thobalano e ka direga go tšwa go mma yo a fetetšwego go ya go lesea la gagwe nakong ya boimana, nakong ya pelego ka go pepentšhwa mading a gagwe goba seela sa bosadi le ka maswi a letswele . Ka gare ga diela tše tša mmele, HIV e gona e le bobedi dikarolwana tša twatši tše di lokologilego le twatši ka gare ga disele tša masole a mmele tšeo di fetetšwego . Dinyakišišo di bontšhitše (go bobedi banyalani ba bong bjo bo swanago le ba bong bjo bo fapanego) gore HIV ga e fetele nakong ya thobalano ntle le kgotlopole ge e ba molekane yo a nago le HIV a e-na le tekanyo ya twatši yeo e sa lemogegego ka mo go sa fetogego . [2] [3]
- ↑ UNAIDS; WHO (December 2007). "2007 AIDS epidemic update" (PDF). p. 16.
- ↑ Cite error: Invalid
<ref>tag; no text was provided for refs named "PARTNER2-2019". - ↑ Cite error: Invalid
<ref>tag; no text was provided for refs named "Fauci-JAMA".