Vai al contenuto

Hirundo rupestris

Da Wikipedia.
Vos an lenga piemontèisa
Për amprende a dovré 'l sistema dle parlà locaj ch'a varda sì.
?ròndola dij ròch

Classìfica sientìfica
Regn: Animalia
Phylum: Chordata
Class: Aves
Órdin: Passeriformes
Famija: Hirundinidae
Géner: Hirundo
Specie: H. rupestris
Hirundo rupestris
(Scopoli, 1769)
Ptyonoprogne rupestris

Hirundo rupestris

[modìfica | modifiché la sorgiss]

La Hirundo rupestris (ròndola dij ròch) a l'é n'osel passeriform ëd la famija dle Hirundinidae (le rondolin-e). A l'é longa 13-15 cm, con n'aliura ëd 32-34,5 cm e a peisa anviron 23 gram. A l'ha la part superior d'un gris brun uniform, la part inferior pì ciàira (da giàuna a crema) con ël pét e la gola marcà 'd gris. La coa a l'é curta e quadrà, con 'd macie bianche a la fin ëd la pì part dle piume dla coa, bin vistose an vol. A l'ha la testa grisa, l'anel dij euj nèir, e 'l bech a l'é curt e nèir.

A viv an sle montagne e colin-e, ant le zòne rocose, con ròche e gole . A fà 'l nil ant le chërpure dle ròche o, sèmper pì soens, an sle costrussion uman-e (pont, ca, dighe). A cassa d'inset (mosche, coleòter) an vòl, da sola o an cita companìa. A l'é na specie migratris parsial: cole dël nòrd e dl'est a së spòsto vers Àfrica e Asia meridional, cole dël sud (com an Spagna e Italia) a resto o a calo mach a quote pì basse.

A nidìfica an Euròpa meridional (penìsola ibérica, Fransa, Italia, Balcan), ant l'Àfrica nòrd-ossidental e an Asia sentral e ossidental fin-a a la Cin-a e a l'Himalaya. An Italia a l'é comun an sj'Alp e j'Apenin, e a l'ha ancaminà a nidifiché 'dcò an quàich sità. A l'é classificà "Risch Minim" (LC) da l'IUCN .

Arferiment bibliogràfich për chi a veul fé dj'arserche pì ancreuse

[modìfica | modifiché la sorgiss]