Curlin is a sport played on ice atween twa teams o fower players. It is maist popular in Scotland an Canadae. Ilkane o the fower players on ony team is assigned ane position. Thare is a skip, vice (or third), the second, an the lead. The game is played on a sheet o ice wi twa "hooses" at ilka end. Thir hooses are made o fower circles, wi the middle circle cawed the "button". Thare are eicht rounds tae ilka game (cawed "ends"). Points are scored wi ilka stane closer than the opponent's closest stane tae the button coontin as ane point. Efter the ends are played, the team wi the maist points bears the gree. Ilka memmer o the team thraws twa stanes, wi the skip at the house guidin the stoaes until the lest twa stanes are tae be thrawn, i whilk case the skip traivels tae the ither end o the sheet an thraws thaim, wi the vice actin as the skip.[2]
