Progressive rock

progressive rock

Aina ya muziki

Taarifa za jumla
Sehemu ya	Muziki wa rock, progressive music
Kuanzishwa	1967
Native label	Progressive rock
Ikifuatiwa na	post-progressive, new prog
Taifa alipo zaliwa	Ufalme wa Muungano
Influenced by	muziki wa klasiki
Has characteristic	rock genre
Historia ya mada	timeline of progressive rock
Mandates	classical training

 

 From Wikidata

Progressive rock (mara nyingi huitwa prog rock au prog) ni mtindo wa muziki wa rock uliozaliwa mwishoni mwa miaka ya 1960 na kupata umaarufu mkubwa miaka ya 1970. Tofauti na rock ya kawaida, mtindo huu unachanganya nguvu za rock na utulivu wa muziki wa asili, muziki wa klasiki, na jazz, ukilenga zaidi hadithi ndefu na ufundi mkubwa wa kupiga ala.^[1][2]

Prog rock haifuati mtindo wa kawaida wa nyimbo fupi zenye midundo ya kurudiarudia. Badala yake, sifa zake kubwa ni:

• Nyimbo ndefu na zenye hadithi: Nyimbo nyingi huwa ndefu na zinabadilika-badilika kama sinema au mchezo wa kuigiza.
• Ala nyingi za kipekee: Mbali na gitaa na ngoma, hutumia ala za ziada kama synthesizer, filimbi, kinanda cha organi, na wakati mwingine huambatana na kundi zima la orchestra.
• Albamu zenye mada maalum: Badala ya kuwa na nyimbo zisizohusiana, albamu nzima huwa na stori au ujumbe mmoja unaofuatana mwanzo hadi mwisho.^[1][2]

Mtindo huu ulianza wakati wanamuziki wa rock walipoamua kujaribu vitu vipya nje ya mipaka ya kawaida, wakiongozwa na makundi kama The Beatles. Albamu kama Days of Future Passed (1967) ya kundi The Moody Blues ilikuwa ya kwanza kuchanganya muziki wa rock na ala za orchestra.

Kati ya mwaka 1968 na 1970, makundi makubwa yalianzishwa na kutikisa dunia, kama vile King Crimson, Yes, Genesis, na Pink Floyd. Albamu ya In the Court of the Crimson King (1969) ya kundi King Crimson ndiyo inayotajwa zaidi kuwa chimbuko na nguzo kuu ya mtindo huu.^[3][4]

- Rock - Art rock - Pink Floyd

- Progressive rock kwenye Encyclopaedia Britannica