Sandrine Kiberlain

Sandrine Kiberlain (alizaliwa kwa jina la Sandrine Kiberlajn; 25 Februari 1968) ni mwigizaji na mwimbaji kutoka Ufaransa. Majukumu yake mashuhuri zaidi yalikuwa katika filamu za The Patriots (1994), A Self Made Hero (1996), For Sale (1998), Alias Betty (2001), Mademoiselle Chambon (2009), 9 Month Stretch (2013) na Number One Fan (2014).

Kiberlain ameshiriki katika filamu zaidi ya 60 na kushinda Tuzo mbili za César kati ya uteuzi wake mara nane.

Mwaka 2021, alianza kazi ya uongozaji wa filamu kwa kutengeneza filamu ya drama iitwayo A Radiant Girl.

Kiberlain alisoma katika shule ya uigizaji ya Cours Florent kuanzia mwaka 1987 hadi 1989, na katika Chuo cha Kitaifa cha Ufaransa cha Sanaa za Uigizaji kuanzia mwaka 1989 hadi 1992.

Mwaka 1995, Kiberlain alipokea Tuzo ya Prix Romy Schneider. Mbali na kazi yake ya uigizaji, pia amerekodi albamu ya muziki iitwayo Manquait plus qu'ça, iliyotolewa mwaka 2005 na kupokelewa vizuri nchini Ufaransa. Albamu yake ya pili, Coupés bien net et bien carré, ilitolewa Oktoba 2007.^[1][2]

1. ↑ https://www.imdb.com/name/nm0452161/
2. ↑ https://www.francesoir.fr/culture-celebrites/sandrine-kiberlain-evoque-sa-rupture-douloureuse-avec-vincent-lindon

Makala hii kuhusu mwigizaji filamu fulani bado ni mbegu. Je, unajua kitu kuhusu Sandrine Kiberlain kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.