Hanau

Hanau

Lidnanznam	Flag
Valdkund	Saksanma
Eläjiden lugu (2024)	97,956 ristitud
Pind	76,47 km²
Pämez'	Klaus Kaminski (kül'mku 2003—, mandat 2021−2026, Claus Kaminsky)
Telefonkod	+49−6181
Aigvö	tal'vel UTC+1, kezal UTC+2

Hanau (mugažo saksan kelel, virktas [ˈhaːnaʊ̯]) vai Hanau Mainal (saks. Hanau-am-Main) om lidn Saksanman päivlaskmas, Gessen-federacijanman suves. Mülüb Darmštadtan administrativižhe regionha, om ripmatomaks lidnaks sen ramuziš vspäi 2026.

Mainitase ezmäižen kerdan kuti feodaližen Hanau-rodun lidnuz vl 1143. Eländpunkt om lidnan oiktusidenke vspäi 1303. Vl 1813 tora Hanaunno tegihe francižiden i avstriž-bavarižiden sodavägiden keskes. 1820-nzil vozil hurarandaižen da oigedrandaižen Hanaun administracijad ühtištuihe. Vspäi 1848 raudtestancii radab lidnas.

Toižen mail'man sodan aigan vn 1945 keväz'kul britanižed lendimed panihe mantazole vanhan lidnan tobmad palad. Sil aigalpäi lidn om saudud möst.

Hanau om kalližarvoižiden metalloiden ümbriradmižen keskuz 16. voz'sadaspäi (juvelirtö da kuldtegesed). Äisarakoižen «Heraeus»-kompanijan päfater i sen tegimed oma lidnas (elektroladimed, medicinižed substancijad, kalližarvoižed metallad). Äi eläjid ajeltas rata Frankfurtha. Himižen tegimišton edheotandad ratas Vol'fgangan tegimištparkas. Ezmäine Saksanmas fajansan manufaktur sijazihe Hanaus; 20. voz'sadan augotišes muilan fabrik i farmaceftine tegim radoiba lidnas.

Lidn sijadase Main-jogen muugotil randoil, 104 m ü.m.t. keskmäižel korktusel.

Port om Mainan oiktal randal, se i raudtestancii sätas transportteiden znamasišt sol'med. Lähembaine sur' lidn om Frankfurt Mainal kaks'kümnes vides kilometras päivlaskmha.

Hanau jagase kümneks nimitadud lidnrajonaks (saks.: Stadtteil).

Lidnan tobmuden pämez' om oberburgomistr (saks.: Oberbürgermeister der Stadt Hanau), valičese kudeks vodeks. Edeližed lidnan pämehed oma Margaret Hartel' (Margret Härtel, heinku 1994 — semendku 2003), Gans Martin (Hans Martin, 1972–1984, 1985–1994).

Vl 1985 lidnan kaikenaigaižiden eläjiden lugu oli 84,672 ristitud, vn 2011 Saksanman rahvahanlugemižen mödhe — 86,803 ristitud, vn 2022 — 93,632 ristitud. Kaik 97,137 eläjad oli lidnas vl 2020. Kaikiš suremb lidnan ristitišt oli 98,502 eläjad vl 2021 i om nügüd'.

Religijan mödhe (2011) lidnalaižiden nelländez om protestantad, toine nelländez om katolikad, pol' om religijatomad vai toižed uskojad.

• 
  Lidnan tobmuden nügüdläine sauvuz (2022) i Grimm-velliden muštnik
• 
  Pühän Jelizavetan jumalanpert' (riman katoline, om saudud vll 1963−1964), vn 2011 sulakun nägu
• 
  Ph. Marija Magdalinan jumalanpert' (protestantizm, 15. voz'sada), vn 2017 nägu
• 
  Forum Hanau-torguindkeskuz Joudjuden torgul (heinku 2016)
• 
  Hanaun jogiport vn 2001 vilukus
• 
  Hanau-päraudtestancijan sauvuz vn 2006 sügüz'kus

• Lidnan ohjastusen oficialine sait (hanau.de). (saks.)

Hanau Vikiaitas