Taranto

Taranto

Lidnanznam	Flag
Valdkund	Italii
Eläjiden lugu (2024)	186,372 ristitud
Pind	249,86 km²
Pämez'	Rinal'do Melučči (kezaku 2017 — kül'mku 2021, kezaku 2022—, Rinaldo Melucci)
Telefonkod	+39-(0)99
Aigvö	tal'vel UTC+1, kezal UTC+2

Taranto (ital.: Taranto [ˈtaːranto], sijaline pagin: Tarde [ˈtardə], grek.: Τάραντας Tárantas, latin.: Tarentum) om lidn da kund (kommun) Italijan suvipäivnouzmas. Mülüb Apulii-agjaha (regionha), om sen Taranton provincijan administrativižeks keskuseks da palaks.

Eländpunktan aluz om pandud Amuižen Grekanman spartalaižil vl 706 EME Taras-nimenke (amuižgrek.: Τάρᾱς). 9.-10. voz'sadoil meiden erad lidn oli toran objektaks Vizantijan i arabialaižiden keskes, kaikutte vägestai möi kaik ristitištod orjikš. Vodele 2006 Taranton municipalitet oti velgha €637 mln i eli bankrotnendan proceduras läbi.

Taranto šingotase raudan metallurgijal, kivivoihimižel tegimištol, cementan tehmižel i meriportal. Italijan sodamerilaivišton Ionižen ümbrikon štab radab lidnas.

Lidn otab provincijan keskuzpalad, sijadase agjan suves, Ionižen meren Taranton lahten randal, 3..431 m korktusil, 15 m ü.m.t. keskmäižel korktusel.

Matkad Rimhasai om 430 km päivlaskmha-lodeheze orhal vai 520 km avtotedme.

Klimat om subtropine kuivahk Keskmeren, kontinentan kaikenaigaiženke valatoitusenke. Se om päivoikaz, kezal eriližešti. Voden keskmäine lämuz om +16,6 C°, kezakun-sügüz'kun +22,2..+25,1 C°, tal'vkun-uhokun +9,1..+10,4 C°. Ekstremumad oma −10,0 C° (viluku) i +43,0 C° (heinku). Kezaaigan minimum om +7,4 C° (kezaku), tal'vaigan maksimum om +23,0 C° (tal'vku). Ei voi panda halad semendkus-redukus. Paneb sadegid 425 mm vodes, enamba redukus-tal'vkus (52..63 mm kus), vähemba kezakus-heinkus (11..12 mm kus). Kun keskmäine relätivine nepsuz vajehtase 61..66 % röunoiš kezakus-sügüz'kus, 73..80 % redukus-keväz'kus.

Taranto-lidn jagase kudeks nimitadud ümbrikoks (äilugu ital.: circoscrizioni).

Edeline lidnan pämez' (ital.: sindaco di Taranto) om Ippacio Stefano (Ippazio Stefano, kezaku 2007 — kezaku 2017).

Vn 2011 Italijan rahvahanlugemižen mödhe lidnankundan eläjiden lugu oli 200,154 ristitud. Kaik 199,561 eläjad oli lidnankundas vn 2018 lopus. Kaikiš suremb kundan ristitišt oli 244,101 eläjad vl 1981.

• 
  Aragonine lidnuz (sulaku 2025)
• 
  Lidnan tobmuden sauvuz (sulaku 2015)
• 
  Valdkundanpert'kulu (Palazzo del governo, eloku 2022)
• 
  Suren Jumalanmaman päjumalanpert' (Concattedrale Gran Madre di Dio, riman katoline, om saudud vll 1967−1970), nägu vn 2024 sügüz'kus
• 
  Centro Direzionale Beni Stabili Taranto (BESTAT-bizneskeskuz), heinku 2015
• 
  Taranto-päraudtestancijan sauvuz vn 2020 heinkus

• Lidnan oficialine sait (comune.taranto.it). (ital.)

Taranto Vikiaitas