Inyengelezi

Inyengelezi yisilwane esincane sasendle esitholakala ezingxenyeni eziningi zaseNingizimu Afrika. Sinomzimba omude, imilenze emifushane noboya obumnyama obunemigqa emhlophe, okwenza kube lula ukusazi. Sivame ukutholakala ezindaweni ezinotshani, emahlathini nasezindaweni ezivulekile. Lesi silwane siyashesha ukuhamba futhi sivame ukuphila sodwa. Inyengelezi iyisilwane esihlakaniphile nesiqaphayo, futhi sibalulekile ekugcineni ibhalansi yemvelo.[1]
Inyengelezi izalana ngokukhwelana phakathi kwenduna nensikazi. Ngemva kokukhwelana, insikazi imitha isikhathi esithile ngaphambi kokuba izale amazinyane. Ivamise ukuzalela emgodini noma endaweni efihlekile ukuze ivikele amazinyane asezelwe, unina uyawanakekela aze akhule abe namandla futhi akwazi ukuzimela.[2]
Inyengelezi yisilwane esidla inyama njengamagundane, izinyoni ezincane, amaqanda ezinyoni, izibankwa, amaxoxo nezinye izilwane ezincane. Izingela kakhulu ebusuku futhi isebenzisa ijubane nobuhlakani bayo ukuze ibambe isisulu. Ngokudla lezi zilwane inyengelezi isiza ukugcina ibhalansi yemvelo.[3]