Ćevapi

Ćevapi (serb.-chòrw. ћевапи/ćevapi, alb. qofte, rum. mititei, mici, bùłg. кебапчета/kebapczeta) – rozkòscerzony na Bałkanach miãsny môltëch, rëchtowóny we wiele lokalnëch òdmianach. Je pòchódną tërecczégò kebaba.

Głównym produktã do zrëchtowaniégò ne môltëchù je młoté abò sekłé miãso, nôlepi mdącé miészónką miãsa z różnëch zwiérzãt. Dodóné do niegò biwają téż np. (do wëbiéru): niewiôlgô jilosc mączi, cëbula, czosnik, przëprawë i zelé. Miãso je mést fòrmòwóné w ruloniczi i prażoné (grillowóné) abò brunioné.

Môltëch serwùje sã m.jin. z chlebã lepinja, kajmakã, ajwarã, biôłim kwarkã, grillowónyma (brunionyma) warzëwama abò z piekłima bùlwama^[1].