Fibromialxia

Fibromialxia
Atención! Wikipedia non dá consellos médicos. Se cre que pode requirir tratamento, consúltello ao médico.
Instancia de tipo de doenza sinal de síntoma  Subclase de miosite dor crónica  Causado por descoñecido
Características
Síntomas dor crónica xeneralizada desorde do sono depresión cansazo alodinia ansiedade
Afecta a músculo articulación sistema nervioso central
Tratamentos posibles psicoterapia medicina alternativa dieta saudable sono
Exames médicos síntoma diagnóstico diferencial
Fármacos para tratamento anticonvulsivo (pt) amitriptilina (pt) Etanercepte (pt) Cannabis medicinal (pt) medicina alternativa naproxeno (pt) oxibato de sodio opioide guaifenesina (pt) inibidor selectivo da recaptação da serotonina e da noradrenalina (pt) antiinflamatorios non esteroideos Ibuprofeno
Fontes e ligazóns Freebase /m/01v3ks MeSH D005356 Thesaurus do NCI C50566 CIAP-2 L18 CIE-11 236601102 CIE-10 M79.7 CIE-9 729.1 MedlinePlus 000427 eMedicine 329838 OpenAlex C2777831278 e C2994139218 KEGG H01636
Wikidata C:Commons

A fibromialxia é unha doenza crónica caracterizada sola presenza de dor persistente e crónica que pode chegar a ser invalidante, especialmente en localizacións específicas do corpo denominadas tender points ou puntos sensíbeis ou zonas gatillo^[1]. A etioloxía da enfermidade é descoñecida aínda que se cre que pode ter unha orixe autoinmune, neurolóxica ou psiquiátrica. É unha doenza complexa que abrangue as esferas social, biolóxica e psicolóxica (enfoque biopsicosocial).

A súa prevalencia en España é do 2,37%, con claro predominio en mulleres de entre 30 e 55 anos^[2].

O 12 de maio celébrase o Día Mundial da Fibromialxia e da Síndrome de Fatiga Crónica, en homenaxe á data de nacemento de Florence Nightingale, enfermeira británica, considerada precursora da enfermería profesional contemporánea ^[3].

Os síntomas da fibromialxia son inespecíficos e poden solaparse cos síntomas doutras doenzas. Entre as manifestacións máis frecuentes atópanse:

• Dor xeneralizada en varios puntos do corpo, coñecidos como zonas gatillo ou puntos sensíbeis (tender points). Existen 18 puntos sensíbeis.
• Fatiga ou cansazo.
• Trastornos do sono: insomnio, hipersomnolencia, mal descanso nocturno.
• Trastornos psíquicos: ansiedade, depresión, irritabilidade.
• Dor de cabeza (cefalea tensional).
• Trastornos do ritmo intestinal como estrinximento ou diarrea (síndrome de colon irritable).
• Hipersensibilidade á dor (hiperalxesia) ou ao tacto (alodinia).
• Cambras musculares (parestesias).

Non existe ningunha proba que permita realizar o diagnóstico de fibromialxia.

Non existe un fármaco ou tratamento específico para tratar a fibromialxia. As terapias que existen están enfocadas a paliar os síntomas e mellorar a calidade de vida das persoas con fibromialxia.

Entre as opcións terapéuticas para tratar esta doenza destacan:

• Tratamento médico:
  • Antidepresivos: amitriptilina, duloxetina, paroxetina, fluoxetina.
  • Relaxantes musculares: ciclobenzaprina, benzodiacepinas.
  • Analxésicos: opioides (tramadol, tapentadol, morfina, buprenorfina, fentanilo), paracetamol, antiinflamatorios esteroideos (corticoides), antiinflamatorios non esteroideos (ibuprofeno, metamizol).
  • Anticomiciais: pregabalina, gabapentina.
  • Outros: pramipexol, nabilona, oxibato sódico, hormona do crecemento, ketamina, cánnabis, lidocaína..
• Tratamento psicolóxico:
  • Terapia cognitivo condutual (TCC).
  • Terapia condutual operante (TCO).
• Outras recomendacións:
• Exercicio físico, sobre todo de tipo aeróbico e de fornecemento muscular.
• Exercicios de relaxación.
• Terapia manual ou fisioterapia.
• Acupuntura.