Pokémon Channel

Pokémon Channel
Título     ポケモンチャンネル ～ピカチュウといっしょ！～ (ja)
Instancia de videoxogo
Características  Xénero artístico videoxogo de mascota virtual videoxogo de crebacabezas videoxogo de simulación  Modo de xogo videoxogo para un xogador  Franquía de medios Pokémon  Lingua lingua xaponesa  Plataforma GameCube
Implicados  Desenvolvedor/a Ambrella (en)  Editorial Nintendo  Distribuidor/a Nintendo
Datas  Data de publicación 18 de xullo de 2003
Historia  Parte da serie serie de Pikachu de Pokémon
Localización  País de orixe Xapón
Fontes e ligazóns Freebase /m/0299lx Clasificación USK
Wikidata

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

Pokémon Channel, estreado no Xapón como Pokémon Channel ~Together with Pikachu!~ (ポケモンチャンネル ～ピカチュウといっしょ！～, Pokemon Channeru ~Pikachū to Issho!~^?) é un videoxogo de 2003 da serie de Pokémon desenvolvido por Ambrella para a consola GameCube. Foi publicado por The Pokémon Company e distribuído por Nintendo. O obxectivo do xogador é axudar ó Profesor Oak a mellorar e promover a súa nova canle de televisión que presenta cun Pikachu. O xogo contén elementos dos xéneros de aventura,^[1] mascota dixital^[2] e simulación.^[3] O xogador pode explorar escenarios 3D, que Pikachu converse con outros Pokémon e recoller varios obxectos.

O xogo foi desenvolvido axiña como unha secuela do título de Nintendo 64 Hey You, Pikachu!, e para promover o accesorio Nintendo e-Reader. Emprega efectos de texturas 3D. Foi presentado en Electronic Entertainment Expo (E3) de 2003 e en diferentes eventos nos meses seguintes en Sapporo, Hokkaido, no Xapón. Lanzouse o 18 de xullo de 2003 no Xapón, o 1 de decembro en América do Norte e o 2 de abril de 2004 en Europa. No Xapón, o xogo vendeu 66 373 copias no seu primeiro ano. Recibiu valoracións dispares, criticando o seu baixo nivel de interactividade e os repetitivos efectos de son, aínda que os aspectos de colección e visuais foron mellor recibidos.