Psicose

Psicose
Atención! Wikipedia non dá consellos médicos. Se cre que pode requirir tratamento, consúltello ao médico.
A noite estrelada de Van Gogh, amosa cambios de luz e cor que poden aparecer coa psicose.[1]
Instancia de sinal de síntoma ocorrencia  Subclase de sinal clínica problema de saúde  Parte de trastorno mental  Causa de trastorno do pensamento alucinación Delirio  Causado por traumatic experience (en) trastorno bipolar privação de sono (pt) perturbação esquizoafetiva (pt) fármaco forma física estrés esquizofrenia drug misuse (en) depresión demencia abuso do alcohol  Estudado por psiquiatría psicoloxía
Características
Especialidade médica psiquiatría psicoloxía clínica
Tratamentos posibles psicoterapia
Fármacos para tratamento olanzapina (pt) paliperidona (pt) asenapina (pt) ziprasidona (pt) clozapina (pt) Lurasidona (pt) clospirazine hydrochloride (en) brexpiprazol (pt) aripiprazol (pt) Pimavanserina (pt) risperidona (pt) quetiapina (pt) haloperidol (pt) Diacepam amoxapina (pt)
Fontes e ligazóns Freebase /m/063yv MedlinePlus 001553 OpenAlex C2779727114 e C2909614370  Descrito pola fonte Dicionario Enciclopédico Brockhaus e Efron  Tema: Q24494879 Pequeno dicionario enciclopédico de Brockhaus e Efron  Tema: Q24818035 Enciclopedia de Otto  Tema: Duševní choroba
Wikidata C:Commons

A psicose^[2] é un termo xenérico empregado en psiquiatría e psicanálise para referirse a un estado mental descrito como unha escisión ou perda de contacto coa realidade.^[3] As persoas que experimentan psicoses poden presentar alucinacións ou delirios e poden exhibir cambios na súa personalidade e pensamento desorganizado.^[4] Estes síntomas poden ser acompañados por un comportamento infrecuente ou estraño, así como por dificultade para interactuar socialmente e incapacidade para levar a cabo actividades da vida diaria.^[4] O termo "psicose" é moi amplo e pode incluír dende experiencias aberrantes relativamente normais até expresións catatónicas de esquizofrenia e trastorno bipolar.^[5][6][7]

Unha ampla variedade de elementos do sistema nervioso, tanto orgánicos como funcionais, poden causar unha reacción psicótica. Isto levou á crenza de que a psicose é como a «febre» das enfermidades mentais, un indicador serio pero non específico.^[8][9] Porén, moitas persoas teñen experiencias infrecuentes e de distorsión da realidade nalgún momento das súas vidas, sen volverse discapacitadas ou nin sequera angustiadas por estas experiencias.

Como resultado, certa corrente de investigadores argumenta que a psicose non está fundamentalmente separada dunha conciencia normal, senón máis ben é un continuum con conciencia normal.^[10] Dende esta perspectiva, as persoas que son diagnosticadas clinicamente como psicóticas poden estar a ter simplemente experiencias particularmente intensas ou angustiantes.