Shibushi

Shibushi
Nome orixinal     志布志市 (ja)
Bandeira
Instancia de cidade do Xapón
Características  Forma xurídica entidade pública local ordinaria
Datas  Fundación / creación 1 de xaneiro de 2006
Historia  Substitúe Ariake (en) (1958 - 2006) Matsuyama (en) (1958 - 2006) Shibushi (en) (1913 - 2006)
Localización  Situado en  prefectura de Kagoshima, Xapón  Bañado por Shibushi Bay (en) océano Pacífico  Comparte fronteira con Soo Miyakonojō Ōsaki-chō Kushima  Irmandado con Sakata  OpenStreetMap  Mapas  Coordenadas 31°28′38″N 131°06′00″L / 31.477166666667, 131.09988888889
Cifras e dimensións  Poboación 33.034 (2010) 31.479 (2015) 29.267 (2021)  Superficie    290,28 km²
Fontes e ligazóns OpenStreetMap 3962386 VIAF 257676984 Freebase /m/047vn40  Páxina WEB city.shibushi.lg.jp
Wikidata C:Commons

Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.

Shibushi (志布志市, しぶしし, Shibushi-shi) é un concello da prefectura de Kagoshima no Xapón. Está situado ó sur da rexión de Kyūshū e ó leste da prefectura, na zona da provincia histórica de Hyūga, na illa de Kyūshū. A súa superficie é de 290,00 km², a poboación é de 33.486 habitantes (2009) e ten unha densidade de poboación de 115 h/km².^[1]

O concello de Shibushi limita cos concellos de Soo, Ōsaki (que son da prefectura de Kagoshima); de Kushima e Miyakonojō (que son da prefectura de Miyazaki).

Shibushi sitúase no leste da prefectura de Kagoshima, na base da península de Ōsumi, e fai fronteira coa prefectura de Miyazaki. O centro urbano é bañado pola Baía de Shibushi.

Desde que Shibushi e predecesores empezaron a facer o censo en 1950 a poboación descendeu dende os 50.726 nese mesmo ano aos 29.329 en 2020, representando un descenso do 40% da poboación.^[3]

A área de Shibushi foi desenvolvida como o porto do señorío de Shimazu, un señorío vasto que ocupaba o sur de Kyūshū desde o final do período Heian. Este señorío evolucionou ao Dominio de Satsuma no período Edo. Despois da Restauración Meiji establecéronse as aldeas de Shibushi e Matsuyama coa creación do sistema moderno de concellos o 1 de xullo de 1889. Shibushi foi elevada ao status de vila en 1913, seguida de Matsuyama en 1958. A cidade de Shibushi foi establecida coa unión das vilas de Shibushi, Matsuyama e Ariake (todas do distrito de Soo).

Shibushi ten unha forma de goberno de alcalde-consello cun alcalde elixido directamente e un consello municipal unicameral de 20 membros. Shibushi, xunto coa cidade de Ōsaki, contribúe cun membro á Asemblea Prefectural de Kagoshima. En termos de política nacional, a cidade forma parte do 4º distrito de Kagoshima da cámara baixa da Dieta do Xapón.

Shibushi ten unha economía primaria baseada na agricultura, pesca, forestería e no procesado de alimentos.

Shibushi ten 16 escolas primarias públicas e cinco escolas secundarias públicas xestionadas polo goberno da cidade e un instituto público xestionado pola Xunta de Educación da Prefectura de Kagoshima. Tamén hai un instituto privado.

• Castelo Shibushi (sitio histórico)

1. ↑ "志布志市公式ホームページ トップページ". www.city.shibushi.lg.jp. Consultado o 2026-03-22. 
2. ↑ "気象庁｜過去の気象データ検索". www.data.jma.go.jp. Consultado o 2026-03-22. 
3. ↑ "Kagoshima (Japan): Cities, Towns and Villages in Prefecture - Population Statistics, Charts and Map". www.citypopulation.de. Consultado o 2026-03-22.