Fernand Fox
| Fernand Fox | |
|---|---|
 De Fernand Fox am Januar 2011 (Foto François Besch) | |
| Gebuer |
26. Januar 1934 Bollenduerfer Bréck |
| Gestuerwen | 23. September 2024 |
| Alter | 90 Joer |
| Nationalitéit | Lëtzebuerg |
| Aktivitéit | Theaterschauspiller, Schauspiller |
 | |
De Fernand Fox, gebuer de 26. Januar 1934 op der Bollenduerfer Bréck, a gestuerwen den 23. September 2024[1], war e lëtzebuergesche Schauspiller.
Hien ass bekannt fir seng joerzéngtelaang Presenz op Lëtzebuerger Bünen an och als Schauspiller a Reklammssketcher, Kinos- an Televisiounsproduktiounen.
Karriär
[änneren | Quelltext änneren]No sengem Lycée an der Stad an zu Iechternach goung de Fernand Fox op d'Interbank an du bei Arbed schaffen (1957-1981). Duerno huet hien e Café, d'Theaterstuff, an der Scheffer-Allee um Lampertsbierg opgemaach, wou e bis zu senger Pensioun geschafft huet.
1956 stoung hien eng éischt Kéier am Stater Casino op der Bün, wou e vum Eugène Heinen entdeckt gouf. Hien huet doropshin 3 Joer Schauspillerei an Dictioun um Stater Conservatoire gemaach.
Hie war dunn 10 Joer laang Member vum Lëtzebuerger Theater an 30 Joer laang vum Kasemattentheater. Do donieft huet hie reegelméisseg a Produktiounen (dacks Cabaret) vun aneren Ensembele matgespillt, wéi z. B. am Kapuzinertheater, dem TOL oder dem Théâtre du Centaure.
Och an enger sëlleger Filmer, zulescht am Andy Bausch sengem Rusty Boys, war hien ze gesinn.
Filmer
[änneren | Quelltext änneren]Kino
[änneren | Quelltext änneren]- Rusty Boys (2017) vum Andy Bausch
- D'Symmetrie vum Päiperlek (2012) vum Paul Scheuer a Maisy Hausemer
- L'orchidée (2012) vum Cyrus Neshvad
- Lingo vino (2009) vum Daniel Texter
- Pido perdon (2009) vum Sascha Heyar
- Deepfrozen (2006) vum Andy Bausch
- La Revanche (2004) vum Andy Bausch
- Back in Trouble (1997) vum Andy Bausch
- Le Club des Chômeurs (2001) vum Andy Bausch
- Three Shake-a-leg Steps to Heaven (1993) vum Andy Bausch
- A Wopbopaloobop A Lopbamboom (1989) vum Andy Bausch
- 800 Joer Buurg Clierf (1981) vum Marc Thoma
- Das Puppenspiel (1978) vum Marc Thoma
Televisioun
[änneren | Quelltext änneren]- Weemseesdet (Sitcom, 2011)
- E Liewe laang (1992)
- Ex und hopp (1991) vum Andy Bausch
- Déi zwéi vum Bierg (1985) vum Menn Bodson, Gast Rollinger a Marc Olinger
- E Fall fir sech (1984) vum Menn Bodson
Documentaire
[änneren | Quelltext änneren]- Succès Fox (2014) vun der Désirée Nosbusch
No him genannt
[änneren | Quelltext änneren]Am Quartier Zéisseng vun der Stad Lëtzebuerg gouf eng Strooss an der Cité Guddebierg nom Fernand Fox genannt[2].
Gielercher
[änneren | Quelltext änneren]
Chevalier vum Ordre de la couronne de chêne (Promotioun 1994)[3]
Commandeur vum Ordre de Mérite du Grand-Duché de Luxembourg (Promotioun 2019)[4]
Kuckt och
[änneren | Quelltext änneren]Um Spaweck
[änneren | Quelltext änneren]- "E Liewen am Theater." Reportage op 100komma7.lu, 29. Jan 2019 - 10:45.
Referenzen
[Quelltext änneren]- ↑ "Lëtzebuerger Schauspiller Fernand Fox am Alter vun 90 Joer gestuerwen". rtl.lu, 24.09.2024.
- ↑ https://g-o.lu/3/6tOmT
- ↑ (fr) Medaillen ... au ministère des Affaires culturelles. viewer.eluxemburgensia.lu Säit 35. Escher Tageblatt (24.06.1994). Gekuckt de 07.09.2026.
- ↑ Auszeechnungen op Nationalfeierdag 2019 an der Philharmonie op rtl.lu