Gulasj

Gulasj
Type	suppe
Måltid	hovudrett
Opphavsland	Kongedømet Ungarn
Tilknytt nasjonalt kjøkken	ungarsk mat, wiensk mat, russisk mat
Hovudingrediensar	kjøt, lauk, gulrot, paprika, olivenolje, kvitlauk, buljong, soyasaus, laurbærblad, pepar, tomatpuré, chilipepar, allehande, sjampinjongar, smør, mjøl, krydder
v d e

Gulasj (ungarsk gulyás) er ei kjøttgryte med småskore oksekjøtt i sterkt krydra saus.^[1] Gulasj har opphav ifrå Ungarn.

Gulasj er nasjonalretten til Ungarn. I opphavslandet vert han servert som ei suppe. I Austerrike, Tsjekkia og Slovakia – tidlegare ein del av Austerrike-Ungarn – har ein sine eigne variantar, som stundom vert servert med knödel eller gnocchi. Sidan 9. sekel har ungararar laga gulasj,^[2] som seinare kring 1800-talet spreidde seg til resten av Europa.

Det finst mange ulike oppskrifter på gulasj i Ungarn og resten av Sentraleuropa. Gulasj vert som regel laga med oksekjøtt eller flesk, men ein kan også nytta ein eller fleire andre kjøttsortar i same gryterett.

Paprikapulver, lauk og karve vert nytta som tradisjonell smakstilsetjing, men også svart peparkorn og laurbærblad, timian, oregano og persille. Potet vert ofte nytta i gulasj, men han kan òg lagast med csipetke eller spätzle – ein type pasta som får koka med i suppa. Gulrøter, pastinakk, raud eller grøn paprika og selleri er grønsaker som oftast vert nytta i gulasj.

• 
  Ungarsk gulasj.
• 
  Gulasj i Sverige med nybakt brød og vin.

  Foto: Jonas Nordström

Pörkölt er ein liknande rett, men er ein litt tjukkare gryterett laga med kjøtt og same krydder, då utan karve.

Commons har multimedium som gjeld: Gulasj

• Gulasj-oppskrift av Lise Finckenhagen i nrk.no
• Carolyn Bánfalvi. «Gulyás: The Ultimate Hungarian Soup (Recipe) [Oppskrift]» (på engelsk). Taste Hungary.