Jump to content

Gowf

Frae Wikipedia, the free beuk o knawledge
A body playin gowf

Gowf (Inglis: Golf) is a sport whaur the body playin the gemme tries tae dunt a sma baw intae a bore at the end o a field cried a gowf coorse. Gowf wis first played in the Netherlands an Scotland.[1]

Origin

[eedit | edit soorce]

Fowk haes lang raxt their harns ower hou gowf cam aboot, at the hinderend naebody will richt ken. Gowf wis ane o the mony baw an stick gemmes that wis played oot-throu the middle ages. Thir can be sindert intae twa-three groups, sic as duntin a stelt baw wi a stick (gowf, frae aulder Dutch kolf, a club), stick tae stick gemmes sic as shinty or caitch or duntin a muivin baw wi a stick (cricket or basebaw): Frae thon its nae surprise tae find that mony sindry sorts o baw an stick gemmes haes been played oot-throu history at different times in different kintras.

Whit maiters maist is no sae muckle whaur an whan a particular gemme stairtit but whaur it teuk ruit an frae there spreid tae ither airts. Wi sicna sicht it can be seen that gowf cam tae the fore in middle ages Scotland an spreid tae the lave o the warld in the 18t century.[2] It is tae Scotland that the cultural tradition o gowf is ocht.

Gowf in Scotland

[eedit | edit soorce]

The modren gemme o gowf stairtit in Scotland in the 15t century, an Scotland is aften cried "the hame o gowf".[3] The first written record o gowf is James II banning the gemme in 1457, acause it teuk fowk awa frae practisin archery.[4] Gowf is recordit bein played on Musselburgh Links in East Lothian as early as 2 Mairch 1672, an Guinness World Records certifies it as the auldest gowf coorse in the warld.[5]

The auldest rules o gowf that survive war written in Mairch 1744 for the Company of Gentlemen Golfers, that played at Leith.[6] In 1764 the standart 18-bore coorse wis creatit at St Andrews, whan the members chynged the coorse frae 22 bores tae 18.[7] The auldest gowf tournament in the warld, The Open Championship, wis first played on 17 October 1860 at Prestwick Golf Club in Ayrshire, an Scots gowfers wan the earliest majors.[8]

The ettle o gowf is tae putt the baw intae a hole in the grund whauras ither baw an stick gemmes is ettelt at winnin tae a dale or tairget abuin the grund, mony o thir played in weel merkit coorts, whaur the ettle is tae dunt the baw throu a gird or siclike, Ither gemmes is played athort the kintra-side wi trees or doors as the tairget. Dutch 'kolf' is played athort the kintra-side, in toun gates an on ice ettlin tae win at a tairget abuin the grund.

Gowf is played on a bit grund cried a gowf coorse. A coorse consists o a raw o wee bores, ilk ane haein a teein area, fairwey, roch an ither hinderances, an the green wi the pin an cup. A typical gowf coorse for ordinar haes aichteen bores, but mony haes juist nine.

Ilka gemme o gowf is adae wi playing a nummer o bores in a gien order. A typical roond consists o 18 bores played gaun bi the coorse layoot. On a nine-bore coorse, gaun roond twice gies a roond. A bore or 'hole' in gowf consists o duntin a baw frae a tee in the teein box (a bit grund merkit for the first shot at a bore) cried a tee shot, ance the baw comes tae rest, duntin it ower. This cairies on till the baw is in the cup. Ance the baw is on the green (A bit grund wi weel mawen girse) the baw is for ordinar puttit alang the grund intae the bore. The ettle is tae get the baw intae the bore in as few straiks as possible. This micht be hindert bi hinderances, sic as bunkers an dubs. In maist ordinar gemmes, ilka player plays their baw frae the tee till it is puttit intae the bore.

Players can walk or drive ower the coorse in wee motor cairts, aither alane or in groups o twa, three, or fower, whiles convoyed bi caddies that cairies an mauns the players' graith an gies them advisement.

Ilka player aften acts as scorer for ae ither player in the group, that is, they record the score on a score caird. In straik play the score consists o the nummer o straiks played an ony penalty straiks gotten. Penalty straiks isna richt straiks but penalty pynts that's eikit tae the score for brakkin the rules or daein things a player shoudna.

Paur A bore is clessified bi its paur, the nummer o straiks a skeelie gowfer needs tae pit the baw in the bore.

Penalties Penalty straiks is coontit in certain situations. Maist aften whan a player haes duntit the baw some place whaur they canna or winna play the baw as it is, for example in a watter-hinderance, or acause thay hae tint thair baw (ootwi the boonds (OB)) an maun play anither. Penalty straiks is coontit as an extrae straik at the aw. Ony rule brakkin can lead tae penalty straiks.

Scorin In ilka form o play, the ettle is tae play sae few straiks per roond as a body can.

Gowf clubs

[eedit | edit soorce]
Traditional name Modren name
Drivin Putter (Drivin Putter) Driver
Bressie 2 or 3 Wid
Spuins 3, 4 or 5 Wids
Airn 1 Airn
Drivin Cleek 2 or 3 Airn
Drivin Cleek 2 or 3 Airn
Mid-Airn 4 Airn
Mid-Mashie 5 Airn
Mashie Airn 6 or 7 Airn
Spade Mashie 7 Airn
Mashie Niblock 7 or 8 Airn
Pickin Niblock 7 or 8 Airn
Niblock 8 or 9 Airn
Putter Putter

References

[eedit | edit soorce]
  1. ↑ "The origins of golf in the Netherlands and Scotland". thevintagenews (in Inglis). 15 December 2016. Retrieved 28 Januar 2023.
  2. ↑ "ABC of golf at the Wayback Machine". Archived frae the original on 16 Mey 2012. Retrieved 28 Januar 2023.CS1 maint: BOT: original-url status unknown (link)
  3. ↑ "St Andrews Links: The Home of Golf". standrews.com. Archived frae the original on 17 Julie 2026. Retrieved 16 Julie 2026.
  4. ↑ History Of Golf Archived 29 Mey 2017 at the Wayback Machine Golf Information.info.
  5. ↑ "Links plays into the record books". BBC News. 17 Mairch 2009. Archived frae the original on 21 Mairch 2009. Retrieved 24 September 2011.
  6. ↑ "Historical Rules of Golf" Archived 13 August 2010 at the Wayback Machine. ruleshistory.com. Retrieved 8 September 2010.
  7. ↑ Forrest L. Richardson (2002). Routing the Golf Course: The Art & Science That Forms the Golf Journey. p. 46. John Wiley & Sons
  8. ↑ The Open Championship – More Scottish than British PGA Tour. Retrieved 23 September 2011 Archived 2 October 2012 at the Wayback Machine