Lathyrus setifolius
| Lathyrus setifolius | |
|---|---|
| Научна класификација [ у ] | |
| Царство: | Растенија |
| клад: | Скриеносеменици |
| клад: | Евдикоти |
| клад: | Розиди |
| Ред: | Бобовидни |
| Семејство: | Бобови |
| Род: | Граор |
| Вид: | Lathyrus setifolius |
| Научен назив | |
| Lathyrus setifolius Карл Линеј | |
Lathyrus setifolius — вид на едногодишна билка од семејството бобови. Растенијата имаат самостоен раст и сложени, широки листови.[1][2]
Опис
[уреди | уреди извор]Ова е едногодишно голо растение, 20-80 см високо, обично полегнато, но се искачува по други растенија, од основата или во долната половина обично е разгрането. Стеблото е тенко, со тесни крила. Листовите се со еден пар ливчиња. Цветовите се поединечни во пазувите на листовите, дршката на соцветието е тенка, речиси кончеста. Чашката е 4-5 мм долга, гола, ѕвонеста. Венчето е 8-11 мм долго, портокалово-црвено до циглесто-црвено. Мешунката е 15-30 мм долга, 7-10 мм широка, светлокафеава, со 2-3 семки, кои се брадавичести по површината. Младата мешунка е со мали ситни влакненца кои подоцна обично опаѓаат.[3]
Во Македонија
[уреди | уреди извор]Во Македонија расте по варовнички камењари и по работ на дабовите шуми, на надморска височина до 1500 метри. Видот е познат за Скопје, Жеден, Жеденска Клисура, клисурата на реката Треска, Матка, Таорска Клисура, клисурата на реката Бабуна, Галичица, Ресен, Отешево, Валандово, Гевгелија, Нов Дојран.[3]
Наводи
[уреди | уреди извор]- ↑ „Lathyrus setifolius L. - Encyclopedia of Life“. eol.org. Посетено на 2022-02-04.
- ↑ Mifsud, Stephen (2002-08-23). „Lathyrus setifolius (Red Pea) : MaltaWildPlants.com - the online Flora of the Maltese Islands“. www.maltawildplants.com (англиски). Посетено на 2022-03-05.
- 1 2 Мицевски, Кирил (2001). Флора на Република Македонија Том I, св. 5. Скопје: МАНУ. стр. 1250.
|